الجمعة، 17 يونيو، 2016

الجمعة، 6 نوفمبر، 2015

الخميس، 5 نوفمبر، 2015

الاثنين، 5 أكتوبر، 2015

+
اقنعت نفسي إني مني بحاجة اشيل مذكراتي فين مارحت
ولا بحاجة اشيل شي أو ألبسي شي عشان أحس للحظة إنو شخص ما معايا
دامه هنا في قلبي <3 مااحتاج لكل دا
* صدى

+
قاعدة اكتب وابربر لإني حاسه بالذنب وبتأنيب الضمير

* صدى 
+
آيه ياتوأمي السعيد
آسفة ، لإني مني قادرة أقول أشتقتك .. وأحبك
لأنو افصاحي بيهم حيموت الشعور إللي بداخلي
سامحيني ..!

* صدى 
+
قلة السؤال ماتعني قلة الحب والتقدير
وماتعني إني نسيت ..
افتكركم واحضنكم بين دعواتي

* صدى 
+
ممم ، عارفة إني مقصرة مع صحباتي خاصة ،، وخاصة بعد التخرج
حتى مع صحبتي القربية مني مرة .. وأحس بالذنب تجاههم وهي بالذات

يمكن كنت لوقت طويل أحاول أقنع نفسي كيف اعيش وأتأقلم مع الحياة بدون شوفة صحباتي ولوقت طويل الله أعلم فيه
كيف أعيش بدون سواليفهم وضحكهم وسماجتهم ، وحضننا لمن نشتاق لبعض ..؟!
الوقت إللي قضيناه سوا خلاني أتعلق فيهم ودا الشي كان صعب عليه ..
اقنعت نفسي إنو حيجي يوم وكل وحدة تروح في طريقها وتكمل حياتها وتشوف مستقبلها
اقنعت نفسي إنو مافي إي شي أو أي شخص إذا غاب عني حتتوقف حياتي عليه
خاصة في الفترة الأخيرة لمن كنت أحس بالوحدة والحزن
ولمن كانت صحبتي جنبي ومعايا بس كنت أفتقدها مرة ..!!
وبعد وقت طويل الحمدلله اقتنعت ..


العتب والرفض للأشياء إللي كانت تسير ساعدتي اقتنع أكثر
اكذب إذا قلت مافي شي .. وعادي
بس في شي جوتي مني قادرة اسامح عليه واغفر ..!
دا الشي كسرني حيل من جوا
غيرني .. بقدر الحطام إللي سببه جوتي أعطاني حريتي
خلاني أعرف متى أقول ايوا للشي إللي عجبني ومتى أقول لا للشي إللي ماعجبني


+ مجرد فضفضة 
* صدى