أعزف على أوتار الأنين

+ أمس الاحد ٣٠/١٠/٢٠١٦م أول مرة اشوف فيلم هندي في السينما مررة سعادة وربي والفيلم خطير بطولة رانفير كابور ومجموعة ممثلين كمان وطبعا رحت ولا كأنو عندنا اليوم اختبار والسينما دي بعيدة ع قولة انس كانها في مدينة تانية المهم رحنا واتفرجنا وانبسطنا صح لا انسى دخلنا الفيلم اللي قبله مدري ايش اسمو بس مرة كان نفسي اشوفو وطبعا لمن قلت لاختي خاصمتني تقولي انتو مجانين بتجيبوا لتفسكم مشاكل اذا فتشوا وعرفوا 🌚 وانا ايش عرفني طيب 🌚 وبس رجعنا اخير واعطيها نومه الاسد > واضح البكش قال نومة الاسد قال لمن سمعت افلام هندية حسيت رجعتلي الحياة والله 😆🙈 الهند في القلب 🙈❤️ وقبل مانروح السينما اتفرجت فيلم هندي في البيت كمان 🙈😆 وبس عرفت انه السينما تعلم والله وتكسبك لغة ممكن الواحد يتعلم من بيتو بس يمل حيحط الترجمة .. اما في السينما لا مجبور تتفرجو زي ماهو بدون ترجمه ولا شي *صدى 

+ دا الاسبوع يوم الجمعة ٢٨/١٠/٢٠١٦م هو اطلق يوم من الايام الحلوة اللي مرت عليه في كندا خرجنا مع جارنا .. الشي اللي كان حلو فيه انو شخص فرفوش > وانا اشتغلت تصفيق جبهات ع قولتو 😆 وأول مرة في حياتي أروح سينما .. اتفرجنا ع فيلم اقدر اقيمه ٧/١٠ وأول فيلم أدخله ومافي غير انا وانس بس ..!! وأول مرة ارجع البيت متأخر من يوم ماجيت كندا وانا بالكثير ١١:٣٠ انا في البيت طبعا جود قالي اللي يعلمك طريق ياشيخه > يقولي شكلك كل يوم حتطبي السينما تتفرجي افلام 😆 وجربنا الكوفي اللي طول منا قاعدين وجارنا يمدح فيه آه في القلب والله .. عادي اللي مغرم في الشوكلت دا المحل ينفعه - كاكاو ٧٠ طبعا ايام الدوام محبوسه ف البيت ولازم لمن يجي الويكند اطلع وافل وبالذات يوم الجمعة لازم احله من قلب اخرج الصباح وماارجع الا الليل > حتى لو رجعنا شويا نصلي ونخرج تاني *صدى 

+ ‏' ‏ ‏البَعضُ في حياتنا كالمطر بخَيره ودِفئهِ ، بِرائحتِه ومفاجَأته، يزرعُ داخلَنا ألفَ زهرة ويتركُ ابتِسامةً تملأُ القلْب بالحياة 💌.

+ دي الأيام نفسيتي الله يستر عليها .. فعلًا مو تمام حاسة بخنقة مدري هي من شوقي لأهلي أو حتى من الأشياء اللي قاعدة تصير فيّ بكى الدنيا عارفين أحس محتاجة أتكلم مع أحد محتاجة أحضن أحد .. أو حتى أبكي صح عندي صحبات بالهبل ماشاء الله .. بس علاقتي فيهم سطحية ومافيّ أكلم أحد لاني مابغا أحس أني ثقيلة ع أحد صح ساعات كثيرة أحكي أخواتي .. بس يكفي أبغا أشوفهم وجه لوجه محتاجة أحد أمسك يده حتى إذا ماكنت حـ اتكلم يارب هون دا الوقت عليّ ونور بصيرتي واهديني *صدى 

+ اليوم فعلًا حاسه إني مشتاقة لأهلي 😭 مشتاقة لأمي ولحضنها ولدفاها .. مشتاقة لقوطتي ومشتاقة أقرصها وأجننها ونقعد نتحكى قبل النوم مشتاقة لزلوختي ومزحها الدغل إللي ما أطيقه .. ومشتاقة لشيلته ليّ كأنها دمية 🙃 مشتاقة للمدغبج حقنا .. ومشتاقة أقعد أقرص فيها وأضارب معاه وأخاصمه وأشد شعره .. مشتاقة أحس إني الكبيرة 🙈 مشتاقة لابويا ولروقانه ودندنته في الصباح صح مو الشوق إللي يبكي .. بس فعلًا حاسه فاقدتهم ليّ تقريبّا أسبوعين ماكلمتهم زي الأوادم .. ما غير كيفكم وشلونكم إيش مسوين ..؟!! *صدى 

+ وكيف لا يكون صباحي خيرًا ..؟!  وأنت الخير الذي ابتدئ فيه ..! *صدى 

+ ‏تقتلني إبتسامة منه |•• ‏*صدى