+
من كثر ما الموقف عجيب احس إني لمن دحين مصدومه ...!
متخيلين الموقف معايا ...؟!!
تكون خارج من المكان وشايف سيارات كثيرة قدامك ، وتدور ع السيارة اللي ترجعك بيتك ، تلاقيها واقفة قدامك بالزبط وبتروح تركب ...
وانت ماشي تشوف قدامك شخص واقف يطالعك
تحسبه يستنى أحد من الصبايا ....
تطالع في السيارة مافيها أحد ، تلف ع الآدمي وتأشر له ويجي ...
وفي نفس الوقت تلاقي شخص تاني جاي من ورآك وبيركب نفس السيارة ، لا ومكان السواق
متخيلين ...؟!!!!!!!
ولا الصدمه ...!
انو نفس الشخص اللي دوبو شفته واقف وحسبته بياخذ شخص غيرك ...!
تشك في نفسك شك ...!!!!!!!
دي السيارة ولا أنا مخربطة ...!!!
وتلاقي الآدمي جاي وبيركب مكان الراكب
وعادي الحياة عندو جميلة ... لا مو جميلة بس ...!
الجميلة والفاتنة كمان
ودا الشي اللي يخليك متأكد إنو دي السيارة نفسها اللي ترجعك كل يوم
احس إني احتاج عشرين كيلو مخ عشان استوعب فيلم اليوم
غير العشرة كيلو اللي في الأيام اللي راحت ...!
تدروا احس بخوف وانا ارجع ...
ياترى ايش بكرا ممكن يصير ...؟!!
يارب احميني واحفظني بعينك التي لا تنام ، واكفيني من كل شر يارب
* صدى الاحساس
الثلاثاء 1436/8/15
9:02 ص
تعليقات
إرسال تعليق